श्री गणेश संकटनाशन स्तोत्रम् - Shri Ganesh Sankat Nasan stotram

।। श्री गणेश संकटनाशन स्तोत्रम् ।।

प्रणम्य शिरसा देवं गौरीपुत्रं विनायकम् ।

भक्तावासं स्मरेन्नित्यं आयुःकामार्थसिद्धये ॥१॥

प्रथमं वक्रतुण्डं च एकदन्तं द्वितीयकम् ।

तृतीयं कृष्णपिङ्गाक्षं गजवक्त्रं चतुर्थकम् ॥२॥

लम्बोदरं पञ्चमं च षष्ठं विकटमेव च ।

सप्तमं विघ्नराजम् च धूम्रवर्णं तथाष्टमम् ॥३॥

नवमं भालचन्द्रं च दशमं तु विनायकम् ।

एकादशं गणपतिं द्वादशं तु गजाननम् ॥४॥ 

द्वादशैतानि नामानि त्रिसंध्यं यः पठेन्नरः ।

न च विघ्नभयं तस्य सर्वसिद्धिकरं प्रभुः ॥५॥ 

विद्यार्थी लभते विद्यां धनार्थी लभते धनम् ।

पुत्रार्थी लभते पुत्रान्मोक्षार्थी लभते गतिम् ॥६॥ 

जपेद्वगणपतिस्तोत्रं षड्भिर्मासै: फलं लभेत्।

संवत्सरेण सिद्धिं च लभते नात्र संशयः ॥७॥

अष्टभ्यो ब्राह्मणेभ्यश्च लिखित्वा य: समर्पयेत।

तस्य विद्या भवेत्सर्वा गणेशस्य प्रसादतः ॥८॥

ॐ गं गणपतये नमः ॥

श्री सिद्धिविनायक नमो नमः ॥

अष्टविनायक नमो नमः ॥

गणपति बाप्पा मोरया ॥

मंगल मूर्ति मोरया ॥

।। इति गणेश संकटनाशन स्तोत्रम् सम्पूर्णम् ।।